Kæru gestir. Verslunin var opnuð sumarið 2006 á Ísafirði. Árið 2007 voru opnaðar sjalfstæðir verslanir í Reykjavík og á Akureyri.
Það er stöðugt verið að vinna í vörulistanum á netinu.  Við viljum samt sýna ykkur megnið af því sem við höfum á boðstólum.  Gjörið svo vel.

Verslunin "Bergkristall" miðlar nýjum stíl, sem byggir meðal annars á glæsileika tveggja og hálfrar aldar stíls.

Hvað er bergkristall?

Forngrikkir töldu að hann væri djúpfrystur ís. Í dag er þó vitað fyrir víst að hann sé afbrigði af kvarsi, rétt eins og annar náttúrulegur kristall. Kristall getur líka verið búinn til af mönnum. Þá er gleri og blýi blandað saman.

Hvað þýðir 24% blýkristall?

Það þýðir að búið er að blanda saman gleri og blýi þannig að blýið er 24%, sem er hámark þess blýmagns sem hafa má í kristal. Ef það er meira blý, þá verður minni glans og tærleiki. Með þessari blöndu næst einnig hinn einkennandi hljómur í kristalinn.

Af hverju bjóðum við hágæðavöru á svo lágu verði?

Það er vegna þess að við kaupum milliliðalaust af framleiðanda. Það er líka vilji okkar að almenningur á Íslandi geti kynnst þessum gæðavarningi.

Hollráð:

Áður en þið notið kristalinn undir mat eða drykk, er ráðlegt láta hann liggja í sólarhring í köldu vatni, blönduðu ediki. Skolið svo með volgu vatni (notið aldrei heitt vatn á kristal) og þurrkið vandlega. Með þessu móti losnar maður við öll hugsanleg óhreinindi sem skapast í framleiðsluferli kristalsins.